Një sulm kibernetik i ka mbyllur që disa ditë fabrikat e dy markave të njohura të veturave

Fabrikat e Jaguar Land Rover (JLR) në Mbretërinë e Bashkuar pritet të qëndrojnë të mbyllura të paktën deri të mërkurën, pasi puna u ndërpre nga një sulm kibernetik pak më shumë se një javë më parë.

Fabrikat e makinave në Halewood dhe Solihull dhe fabrika e motorëve në Wolverhampton, së bashku me fabrikat e prodhimit në Sllovaki, Kinë dhe Indi, nuk kanë qenë në gjendje të funksionojnë që kur kompania ra viktimë e sulmit kibernetik .

Stafit që punon në linjat e prodhimit i është thënë të qëndrojë në shtëpi.

JLR mbylli sistemet e saj të IT-së në përgjigje të sulmit më 31 gusht, me qëllim që t’i mbronte ato nga dëmtimet. Megjithatë, kjo shkaktoi ndërprerje të mëdha.

Në rrethana normale, kompania ndërton rreth 1,000 makina në ditë.

Ndërprerja e prodhimit ka pasur një ndikim të rëndësishëm edhe te furnizuesit e kompanisë./Indeksonline/