Njoftim i rëndësishëm për bashkatdhetarët, nga aeroporti “Adem Jashari”

Zëdhënësja e aeroportit ndërkombëtar të Prishtinës “Adem Jashari”, Valentina Gara, ka kërkuar nga bashkatdhetarët, të cilët janë në Kosovë dhe dëshirojnë të kthehen në vendet ku jetojnë t’u drejtohen kompanive ajrore apo agjencive ku i kanë blerë biletat.

“E dashur diasporë, kam dhënë maksimumin që gjatë tërë ditës t’ju përgjigjem pyetjeve tuaja veç e veç në thirrjet telefonike, pastaj në mesazhet tuaja në fb, por kam aq shumë mesazhe, thirrje dhe pyetje (pothuajse të njëjtat) që nuk po kam mundësi t’i kthej prandaj:

– Për çdo fluturim dhe informatë se si të ktheheni në shtetet ku jetoni ( Gjermani, Itali, Zvicër dhe Francë) ju lutem të kontaktoni vetëm kompaninë ajrore-agjensitë në të cilin keni procesuar blerë biletat kthyese deri në njoftimin e ardhshëm!”, ka shkruar Gara në Facebook.