Nuk e dinit! Aktorja zbulon gjithçka rreth suksesit

Julia Roberts ka ndriçuar ekranet tona për gati katër dekada. E njohur për rolin në “Erin Brockovich”, që i solli edhe çmimin Oscar, ajo vazhdon të tregojë forcën dhe sharmin e saj edhe sot, në projektin më të fundit “After the Hunt”, ku luan përkrah aktorit Andrew Garfield. Ky i fundit ka vlerësuar jo vetëm talentin, por edhe karakterin dhe profesionalizmin që e dallon atë.

Megjithatë, pavarësisht se jeta e saj nga jashtë duket si një përrallë, Julia pranoi në një intervistë së fundmi për revistën People se rrugëtimi nuk ka qenë gjithmonë i lehtë.

“Nuk mendoj se e nisa karrierën me shumë vetëbesim,” rrëfeu ajo. “Që në fillim takova disa njerëz që ishin vërtet të fuqishëm dhe me pushtet. Ishte një sfidë e madhe për mua të kuptoja se çfarë lloj personi doja të bëhesha.”

Për aktoren, më e rëndësishme se karriera ishte formimi si njeri:

“Më interesonte më shumë kush doja të isha si person, sesa çfarë doja të bëja në jetë. Doja të ndërtoja veten time dhe ta vendosja atë njeri në situata të ndryshme profesionale.”

Ajo tregon se periudha midis moshës 15 dhe 25 vjeç ka qenë e trazuar:

“Përjetova më shumë stuhi sesa qetësi. Por gjithmonë kishte momente mirënjohjeje. Mendoja: ‘Në rregull, ndoshta duhet të jetë kaq e vështirë për një arsye’. Sot, ato mësime i konsideroj ndër më të vlefshmet, sepse më mësuan forcën time të brendshme.”

Julia, që fitoi zemrat tona me filmin “Pretty Woman”, rrëfen se pasiguritë e saj ishin reale:

“Pasiguria mund të jetë paralizuese.”

Në një intervistë të mëparshme për People, Roberts tregoi se çfarë do t’i thoshte vetes së saj 19-vjeçare, pyetje që iu bë me rastin e ditëlindjes së 19-të të binjakëve të saj, në vitin 2023:

“Qëndro më drejt. Mos u frikëso. Gjithçka do të shkojë mirë. Ah, dhe mos i hiq vetullat!”

Ndërsa koha kalon, duket se Julia Roberts vetëm rrezaton më shumë. Në paraqitjen e fundit, më 4 tetor në Los Angeles, në premierën e filmit të saj të ri, ajo u shfaq me një fustan mahnitës, të njëjtin që kishte veshur në vitin 2022 për premierën e “Ticket to Paradise”.