Nuk fshihet më/ Kimi kapet për dore me të dashurin e ri
Kim Kardashian dhe Lewis Hamilton u panë duke bërë një shëtitje plot përzemërsi në Tokio këtë fundjavë, duke ushqyer edhe më shumë spekulimet për një romancë të mundshme mes tyre.
Dy yjet e klasit A besohet se janë në lidhje pasi janë parë së bashku në dy raste të ndryshme gjatë javëve të fundit, përfshirë edhe Super Bowl-in e muajit të kaluar në Santa Clara, Kaliforni.
Tani Kardashian, 45 vjeçe, dhe Hamilton, 41 vjeç, janë kapur sërish në Tokio, ku ylli i Formula 1 po shijon disa ditë pushimi me të dashurën e re mes Çmimit të Madh të Kinës dhe atij të Japonisë.
Pamjet e publikuara nga fansat në rrjetet sociale tregojnë çiftin duke ecur nëpër rrugë dhe duke përshëndetur kalimtarët e habitur.
Hamilton dukej në humor të mirë gjatë shëtitjes me yllin e reality-show-t, madje në një foto të shpërndarë online shihet duke i bërë me dorë një fansi.
