Nuk ia doli të shënojë, por Broja bën një sprint fantastik për të fituar penallti

Armando Broja di të jetë protagonist për Southampton edhe kur nuk shënon gol.

Në ndeshjen e sotme të Premier League, ku Shenjtorët fituan me rezultatin 2-3 në transfertë ndaj West Ham, sulmuesi kuqezi u tregua i pandalshëm teksa në minutën e 57 fitoi një penallti.

20-vjeçari u shkëput në mënyrë të rrufeshme teksa mbrojtësi kundërshtar nuk pati shumë alternativa përveç se ta ndalte me faull, ndërkohë që ky moment pati nevojë për ndërhyrjen e sistemit VAR pasi fillimisht arbitri nuk e akordoi faullin .

Gjithsesi, teknologjia konfirmoi ndërhjyrjen e parregullt ndaj Brojës dhe në këtë formë, Ward Prose, kapiteni i skuadrës, konvertoi në gol duke kaluar të tijtë në avantazhin momental, 1-2.

Armando Broja with a brilliant run from the half way line to win a penalty 👏🏻 pic.twitter.com/qz8ToSQ1hy

— Chelsea Loan Army (@CFCLoanArmy_) December 26, 2021