Nuk iu ndalën policisë për kontroll, arrestohen tre persona në Prishtinë
Sirenat e policisë u dëgjuan pasditën e sotme në lagjen Bregu i Diellit.
Policia atje arrestoi tre të dyshuar, pasi të njëjtit kanë shmangur kontrollin e veturës nga zyrtarët policorë.
Lidhur me rastin, zëdhënësi i policisë, Agron Borovci, dha disa detaje.
“Sot rreth orës 19:45, një veturë është sinjalizuar nga ana e zyrtarëve policor që të ndalohet në një pikë kontrolli, në rrugën “Xheladin Hana” në Prishtinë porse e njëjta ka provuar t’i shmanget policisë, duke mos u ndalur. Vetura e dyshuar është ndaluar shumë shpejt nga një njësit tjetër patrullues në rrugën “Gazmend Zajmi ” me ç’rast janë arrestuar tre persona të dyshuar” tha Borovci për Indeksonline.
Ai shtoi se ndaj të dyshuarve po kryhen veprime hetimore e procedurale, në bashkëpunim me Prokurorinë e Shtetit.
Indeksonline ju sjell pamje nga vendi i ngjarjes.