S’ka kompjuter në shtëpi, 10-vjeçari i bën detyrat e gjeografisë, në dyqan
Djali që është filmuar duke lexuar në një tabletë dhe duke bërë detyrat e gjeografisë në një dyqan Samsung-u është bërë viral.
Shumë persona janë interesuar për emrin dhe historinë e tij.
Ai quhet Guilherme dhe është 10-vjeç. Djali nga Brazili shkoi në dyqan, sepse s’ka kompjuter dhe Internet në shtëpi, prandaj gjeti një mënyrë tjetër për të bërë detyrat.
Pasi mësoi historinë, Samsungu ia dhuroi tabletin dhe i premtoi garanci se do t’ia rregullojnë për çdo problem.
Nëna e Guilhermet punon si sanitare në shkollën ku studion djali, por nuk ka aq të ardhura sa t’ia blejë kompjuterin.
Ata jetojnë në një shtëpi me qira, së bashku me vëllanë 14-vjeçar.
Shumë persona janë prekur nga historia dhe kanë kontribuar për t’ia blerë një shtëpi familjes së Guilhermes.