Nuk ndalet Dua Lipa, mbulon Evropën me koncerte

Këngëtarja shqiptare me famë botërore, Dua Lipa, është senzacioni i momentit.

Ajo sonte do të përformojë në Lisbonë, në natën e 60-të të turit të saj.

Por kjo është vetëm gjysma e koncerteve të saj nëpër Evropë dhe botë.

Dua e nisi turin e saj në fillim të muajit shkurt, si një rikthim i vrullshëm tek fansat, pas pandemisë COVID-19.

Ajo tashmë ka përfunduar një xhiro koncertesh në Shtetet e Bashkuara dhe Britani të Madhe, teksa ka “përqafuar” Evropën me shfaqje fantastike.

Nga Lisbona e Portugalisë, autobusi i turit “DUA LIPA LIVE” do të shkojë në Sllovaki, Lituani, Finlandë, Norvegji e Suedi.

Super-ylli po gjen kohë edhe për të publikuar këngë të reja, për të bërë më shumë muzikë, dhe si gjithnjë, për të shkelqyer me dukjet e saj.