Nuk ndalet Gjilani, transferon mesfushorin nga Maqedonia
Skuadra e Gjilanit nuk po ndalet me transferime.
Bardhëkuqtë kanë zyrtarizuar mesfushorin nga Maqedonia e Veriut, Sabit Bilali, shkruan IndeksOnline.
Bilali ka nënshkruar kontratë dy vjeçare me skuadrën e Gjilanit.
Mesfushori nga Tetova i është bashkuar ekipit në fazën përgatitore, derisa është vënë menjëherë në urdhërat e trajnerit Ardian Nuhiu.
26 vjeçari vjen pas një aventure të kaluar në klubin e Rabotniçkit në kampionatin e Maqedonisë së Veriut, derisa më parë ka mbrojtur edhe ngjyrat e klubeve tetovare, Shkëndija dhe Renova. Për dy sezone ishte pjesë e klubit tjetër shqiptar Shkupi, derisa karrierë ka bërë edhe në Superiore te Partizani i Tiranës./IndeksOnline/