Numërimi i votave/ Cakolli: Ja nga sa deputet morën partitë politike

Eugen Cakolli, nga Instituti Demokratik i Kosovës (KDI), menjëherë pas numërimit të të gjitha votave të diasporës, ka dal njoftimin e tij se nga sa mandate kanë fituar partitë politike në zgjedhjet e fundit.  

Sipas tij,  nëse nuk ndodh ndonjë trend krejtësisht i pazakontë, votat me kusht nuk do të sjellin asnjë ndryshim në shpërndarjen e mandateve, transmeton IndeksOnline.

Postimi i plotë i Cakollit:

Pas numërimit të të gjitha votave nga vendvotimet e rregullta, votat nga nga diaspora (qoftë përmes postës apo misioneve diplomatike), tashmë shpërndarja e mandateve është e qartë dhe nuk pritet të ketë më ndryshime. Sipas përllogaritjeve, ndarja e mandateve do të jetë:

✔ LVV – 48 mandate

✔ PDK – 24 mandate

✔ LDK – 20 mandate

✔ AAK – 8 mandate

Nëse nuk ndodh ndonjë trend krejtësisht i pazakontë, votat me kusht nuk do të sjellin asnjë ndryshim në shpërndarjen e mandateve. Në të gjitha zgjedhjet e kaluara, këto vota kanë ndjekur pothuajse të njëjtin trend si votat e rregullta – me një rritje të lehtë për partinë e parë.

E vetmja rrethanë, e cila mund të prodhojë lëvizje në (një të vetëm!) mandate, është nëse LDK arrin të marrë mbi 20% të votave me kusht, duke fituar një mandat nga PDK. Por për këtë, do të duhej një ndryshim i dukshëm i trendit, që nuk ka ndodhur më parë.

Andaj, me shumë gjasë, ky do të jetë rezultati përfundimtar i zgjedhjeve.