OAK: Ndalimi i qarkullimit nga një komunë në tjetrën rrezikon funksionimin e bizneseve esenciale
Përmes një shkrese adresuar ministres Rozeta Hajdari, Oda e Afarizmit të Kosovës shprehu shqetësimin e saj për propozimin që të merret vendim për ndalim të qarkullimit të të punësuarve nga një komunë në tjetrën.
“OAK konsideron që një vendim të tillë do të rrezikohet funksionimi i bizneseve esenciale. Andaj lidhur me këtë OAK kërkoi që një numër i kufizuar i stafit të ndërmarrjeve, nga sektorët të cilët kanë të lejuar ushtrimin e veprimtarisë të i’u krijohet mundësia për lëvizje”, thuhet në njoftimin për media.
Tutje thuhet se kjo është më se e nevojshme për menaxherët dhe sigurimin fizik të objekteve, të cilat për shkaqe sigurie është e nevojshme që të vizitohen objektet nga menaxherët,ndërsa sigurimi duhet të jetë 24h./Indeksonline/