O’Biren: Moszbatimi i marrëveshjeve të kaluara, mundësi e humbur për të dyja palët
![](https://indeksonline.net/wp-content/uploads/2023/12/james-obrien-1.jpg)
Ndihmës-sekretari amerikan i Shtetit, Jim O’Brien, ka reaguar pas takimeve të djeshme në Bruksel, në kuadër të dialogut Kosovë-Serbi.
O’Brien thotë se takimi nënvizoi se si palët duhet të riangazhohen për të trajtuar problemet dhe mundësitë në kuadër të dialogut, raporton Indeksonline.
“Moszbatimi i marrëveshjeve të kaluara është me të vërtetë një mundësi e humbur për të dyja palët”, tha O’Brien.
Ndonëse pritej një takim trepalësh, mes Kurtit, Vuçiqit dhe ndërmjetësuesve, një i tillë nuk ndodhi dje.
Në vend të kësaj, i dërguari i posaçëm i BE-së, Josep Borrell, u takua me kryeministrin Albin Kurti dhe presidentin Aleksandër Vuçiq, veç e veç.
Pas takimit, me të dyja palët, Borrell tha se Kosova nuk ishte e gatshme të ulej në tryezën e diskutimit.
Ai tha se Kurti parashtroi tri kushte, në mënyrë që Kosova të angazhohet në normalizim të marrëdhënieve, përfshirë dhe kushtin për dorëzimin e Milan Radojiçiqit dhe grupit të tij paramilitar.
“Serbia nuk ishte e gatshme të përmbushte plotësisht kushtet e Kosovës, duke përmendur kufizimet kushtetuese, ndërsa presidenti Vuçiq tregoi se është i gatshëm të shqyrtojë opsionet në lidhje me letrën e ish-kryeministrit – që e përmendëm më parë – dhe zyrtarizimin e Marrëveshjes në përputhje me praktikat e kaluara të Dialogut. për të zhbllokuar zbatimin e Marrëveshjes” deklaroi Borrell./Indeksonline/