OBSH: Mund të infektoheni dy herë me Covid-19

Sekretari i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka bërë të ditur se janë shënuar raste të pacientëve që janë infektuar dy herë me COVID-19.

Ghebreyesusi në një konferencë shtypi i është përgjigjur pyetjes nëse ekzistojnë dëshmi se një pacient i shëruar mund të infektohet sërish nga koronavirusi.

“Kanë ekzistuar disa shembuj ku njerëzit e infektuar me COVID-19, janë infektuar për herë të dytë”.

“Shumica e njerëzve që janë të infektuar me virusin zhvillojnë një përgjigje imune brenda javëve të para, por ne nuk e dimë se sa e fortë ose e qëndrueshme është ajo përgjigje imune, ose si ndryshon për njerëz të ndryshëm”, deklaroi Ghebreyesusi.