Odat e profesionistëve shëndetësorë do bëhen me objekt të ri

Është vënë guri themeltar për objektin ku do të vendosen Odat e profesionistëve shëndetësorë.

Lajmin e ka bërë të ditur kryetari i Prishtinës, Përparim Rama, shkruan IndeksOnline.

Rama mori pjesë në ceremoninë e vënies së gurit themeltar, duke thënë se ky është një hap i rëndësishëm drejt forcimit të sistemit shëndetësor dhe mbështetjes së profesionistëve.

“U vu gurthemeli i objektit të Odave të Profesionistëve Shëndetësorë, një hap i rëndësishëm drejt forcimit të sistemit shëndetësor dhe mbështetjes së profesionistëve tanë.

Të lumtur që ky projekt i rëndësishëm po merr jetë në zemër të kryeqytetit!” shkroi Rama.

Në objekt do të vendosen Odat e: mjekëve, stomatologëve, farmacistëve, fizioterapeutëve dhe të infermirëve, mamive dhe profesionistëve të tjerë shëndetësorë.