Olluri jep dorëheqje nga pozita e Drejtorit në Komunën e Lipjanit

Ardian Olluri është larguar nga pozita e Drejtorit të Drejtorisë së Infrastrukturës.

Këtë e ka bërë të ditur vetë ai përms një postimi në rrjetin social në Facebook.

Sipas tij kjo vjen për arsye personale, të ndërlidhura me orientimin dhe zhvillimin e mëtejmë të karrierës

Reagimi i plotë:

Të dashur miq,

Të nderuar qytetarë të Lipjanit,

Dua t’ju njoftoj se kam paraqitur kërkesën time për t’u liruar nga detyra e Drejtorit të Drejtorisë së Infrastrukturës në Komunën e Lipjanit.

Kjo kërkesë vjen për arsye personale, të ndërlidhura me orientimin dhe zhvillimin e mëtejmë të karrierës sime profesionale.

Shpreh mirënjohjen time të sinqertë për Kryetarin e Komunës, z. Imri Ahmeti, për besimin e dhënë, si dhe për ekipin qeverisës për bashkëpunimin dhe mbështetjen gjatë periudhës sa kemi punuar së bashku.

Ka qenë nder dhe përgjegjësi e veçantë t’i shërbej qytetarëve të Lipjanit në këtë detyrë. Falënderoj të gjithë kolegët dhe bashkëpunëtorët për angazhimin dhe përkushtimin e tyre.

Me respekt,

Ardian Olluri./Indeksonline/