“Onix Palace” bën sot bashkë Noren dhe Robertin

Pas një pauze të gjatë nga performancat e përbashkëta, Nora dhe Roberti rikthehen sërish bashkë në skenë sonte në ambientet e Onix Palace.

Ky rikthim i shumëpritur po zgjon interes të madh tek publiku dhe adhuruesit e muzikës së tyre, të cilët do të kenë mundësinë t’i shohin dy artistët të performojnë sërish krah për krah.

Mbrëmja pritet të jetë e mbushur me emocione, energji pozitive dhe hitet më të njohura të repertorit të tyre, duke e kthyer Onix Palace në qendër të vëmendjes.

Performanca e përbashkët e Norës dhe Robertit vjen si një surprizë e veçantë për publikun, pas një kohe të gjatë mungese nga skena si duet.

Organizatorët premtojnë një atmosferë madhështore, ndërsa të pranishmit pritet të shijojnë një natë të paharrueshme nën tingujt e muzikës live./Indeksonline/