Organizata botërore e Internacionales Socialiste në mbështetje të Albin Kurtit

Në ditën e fundit të fushatës, Lëvizja VETËVENDOSJE, ka marrë edhe një mbështetje të rëndësishme ndërkombëtare.

Luis Ayala, sekretar i përgjithshëm i Internacionales Socialiste, organizatës botërore që ka mbi 100 parti dhe organizata socialdemokrate brenda vetes, dje ka dërguar një letër në adresë të Lëvizjes VETËVENDOSJE dhe kandidatit për kryeministër, Albin Kurti.

Ayala shkruan se “përderisa vendi do të votojë këtë të diel, më 14 shkurt, jam shumë i lumtur që në emër të Internacionales Socialiste, organizatës botërore të partive socialdemokrate, të punës dhe demokratike socialiste, t’ua dërgoj urimet më të mira për suksesin tuaj, i bindur se partia juaj dhe personalisht ju do të bëni një kontribut të madh për të ardhmen e Kosovës dhe qytetarëve të saj, në një kohë kur vlerat dhe idealet tona të përbashkëta janë të domosdoshme në këtë kohë të krizës politike, ekonomike dhe shoqërore”.

Në emër të partive anëtare ai i uron LVV-së “sukses në këto zgjedhje, të bindur se do të bëhe ndryshime brenda dhe jashtë vendit dhe që pritjet dhe shpresat e popullit të Kosovës do të gjejnë në ju dhe në partinë tuaj një partner të besueshëm në realizimin e prioriteteve dhe qëllimeve, të cilat i keni paraqitur përgjatë fushatës”.