17:56 / E Premte, 06 Tetor 2023 / Gj. Sh
Osmani falënderon Spanjën për mikpritjen në Samitin e Komunitetit Politik Evropian
Presidentja e vendit, Vjosa Osmani, e ka falënderuar Spanjën për mikpritjen dhe organizimin e suksesshëm të Samitit të Komunitetit Politik Evropian në Granadë, duke bashkuar liderët evropianë në frymën e barazisë, si parim themelor i kësaj platforme.
“Mirënjohës Mbretit Felipe VI dhe Mbretëreshës Letizia, Kryeministrit Sanchez dhe zonjës Gómez Fernández për pritjen e ngrohtë në Alhambrën madhështore”, ka shkruar Osmani në llogarinë e saj në Facebook.
