Osmani komenton deklaratën e Macronit për viza, thotë se beson në mirëkuptim për tejkalimin e sfidave

Presidentja e Republikës së Kosovës, Vjosa Osmani, tha se me presidentin e Francës, Emmanuel Macron, ka diskutuar për të gjitha çështjet në vend gjatë vizitës në Granada.

Këto komente ajo i bëri, kur u pyet nga Ekonomia Online, që të deklarohet rreth pohimit të presidentin francez për çështjen e vizave për kosovarët. Madje e para e shtetit tha se beson në mirëkuptim për tejkalimin e sfidave.

“I kam diskutuar të gjitha këto me presidentin Macroon gjatë takimit tonë në Granada dhe besoj që do të kemi mirëkuptim në tejkalimin e sfidave”.

Përderisa kur u pyet për vizitën muajin e ardhshëm në ShBA, Osmani tha se për këtë çështje do të deklarohet në një moment tjetër.

“Ndoshta në një moment tjetër do të mund të deklarohemi më në detaje për këtë çështje”, tha presidentja Osmani.