Osmani: Kurti më thoshte do të vazhdojmë bashkë si binomi që i dha shpresë Kosovës, je presidentja më e mirë e shekullit 21

Presidentja Vjosa Osmani ka folur lidhur me vendimin e Gjykatës Kushtetuese për vendosjen e masës së përkohshme ndaj dekretit të saj për shpërndarjen e Kuvendit, deri më 31 mars.

Osmani tha se dekreti nuk ka qenë dëshirë e saj, por obligim kushtetues. Ajo tha se vetëm ka formalizuar një realitet ekzistues kushtetues, teksa tha se paraprakisht është konsultuar me dhjetëra juristë para se të nxirrte dekretin.

“Unë e kam një interpretim të Kushtetutës me të cilin pajtohen të gjithë juristët që unë kam konsultuar, e me të cilin dorën zemër janë pajtuar gjithë politikanët, përfshirë edhe kryeministrin, deri në natën finale”, ka thënë Osmani.

Tutje, Osmani ka thënë se Kryeministri Albin Kurti i ishte zotuar se do ta përkrahte edhe për një mandat.

“Që ne do të vazhdojmë bashkë si ky binomi që i dha shpresë Kosovës, duke e vlerësuar punën time deri në superlativë, duke thënë je presidentja më e mirë në shekullin 21”, ka deklaruar Osmani.

Ajo tha se këto deklarata i ka dhënë edhe para, edhe pas zgjedhjeve.

Këtë vlerësimin për presidentja më e mirë në shekullin 21, e ka dhënë edhe pas zgjedhjeve”, tha Osmani.

Tutje, ajo tha se asnjëherë nuk e kavendos fatin personal para dedikimit për fatin e Kosovës

“Më shumë do të më përshtatej sikur t’I kjsiha 60 ditë shtesë apo të shtyheshin zgjedhjet pafundësisht. Në asnjë mënyrë mua nuk më është përshtatur një proces zgjedhor. Njeriu i fundit që do t’i përshtatej një dekret i tillë jam unë”, tha Osmani.