Osmani: Republika e Kosovës është me Ukrainën

Presidentja e Kosovës, Vjosa Osmani, ka treguar mbështetjen e vendit për Ukrainën, pas tensioneve të shtuara mes kësaj të fundit dhe Rusisë.
“Republika e Kosovës është me Ukrainën”, ka shkruar Osmani në Twitter.
The Republic of Kosovo stands with Ukraine.
— Vjosa Osmani (@VjosaOsmaniPRKS) January 22, 2022
🇽🇰🇺🇦#StandWithUkraine https://t.co/sNhSPqcIZF
Qëndrim të njëjtë më herët kishte treguar edhe sekretari i ShBA-së, Antony Blinken, i cili shkroi se Shtetet e Bashkuara janë me Ukrainën.
Ukraina ka qenë pjesë Bashkimit Sovjetik deri më 1991 kur edhe u shpërbë shteti në të cilin ndodhi Revolucioni i Kuq i Tetorit.
Presidenti i Rusisë, Vladimir Putin, ka thënë se ukrainasit dhe rusët janë një popull, ndërsa liderët e shtetit të Ukrainës, sipas Putinit, po drejtojnë një projekt “anti-rus”.
Këto dy shtete kanë pasur konflikt edhe më herët. Në vitin 2014, Rusia e aneksoi Krimenë – Krahinë e Ukrainës deri në atë kohë.
Presidenti i SHBA-së, Joseph Biden, lidhur me konfliktin që mund të ndodhë së shpejti – sipas situatës aktuale – ka thënë se nëse Rusia e sulmon Ukrainën do të ketë sanksione të mëdha, megjithatë ka bërë me dije se SHBA nuk do të përfshihet ushtarakisht në këtë konflikt.