Osmani uron sekretarin e ri të NATO-s: Mezi pres të punojmë së bashku për të avancuar anëtarësimin e Kosovës

Presidentja Vjosa Osmani ka uruar Mark Rutte-n në detyrën e tij të re si Sekretar i Përgjithshëm i NATO-s.

Përmes një postimi në “X”, Osmani shkroi se me Rutte-n kanë punuar bashkë gjatë viteve dhe se nuk ka dyshime që ky bashkëpunim do të forcohet.

Presidentja thotë se mezi pret të punojnë së bashku për të avancuar anëtarësimin e Kosovës në NATO.

“Urime mikut tonë të dashur Mark Rutte që u zgjodh si Sekretari i Përgjithshëm në NATO. Përvoja, lidershipi dhe njohuritë e tij do të jenë të paçmueshme për Aleancën!

Gjatë viteve, ne kemi punuar së bashku për shumë çështje të rëndësishme dhe nuk kam dyshim se bashkëpunimi ynë i fortë do të vazhdojë derisa ai të marrë këtë përgjegjësi të re. Mezi pres të punojmë së bashku për të avancuar anëtarësimin e Kosovës në NATO dhe të punojmë drejt paqes dhe sigurisë së qëndrueshme në të gjithë kontinentin tonë dhe më gjerë” shkroi Osmani.

Congratulations to our dear friend Mark Rutte on being elected as the new @NATO Secretary General. His experience, leadership, and knowledge will be invaluable to the Alliance!

Over the years, we have worked together on many important issues, and I have no doubt that our strong… pic.twitter.com/nd2bqxh0md

— Vjosa Osmani (@VjosaOsmaniPRKS) June 26, 2024