“Ova” e lidhur me Kosovën, vishet me fustan të kreatores kosovare

Shumëkujt i ka mbetur në mendje filmi “Mrekullia në qelin nr.7”, i cili theu rekorde shikueshmërie gjatë kohës së izolimit nga pandemia Covid-19.

Filmi turk, përveç në vendin tonë, u pëlqye e u shikua në vende të ndryshme të Evropës dhe botës, duke marr komplimente pozitive për historinë e filmit e cila ka një fund të lumtur, shkruan Indeksonline.

Meritën më të madhe për këtë e kishin dy aktorët në rolin kryesor, aktori i madh turk, Aras Bulut Iynemli në rolin e Memos dhe vogëlushja simpatike, Nisa Sofiya në rolin e Ovas.

Kjo e fundit është mjaft e afërt me adhuruesit e saj në rrjetet social dhe ajo që na tërheqë vëmendjen neve është se shpesh herë ka falënderuar publikisht fansat e saj shqiptarë.

Por, këtë herë ajo ka patur një falënderim për një markë të futanave nga Kosova “Vala Fashion”, fustani i saj u dizajnua nga kreatorja kosovare, Vala Qorri.

“Faleminderit Kosovë”, ka shkruar Nisa sipër imazhit, ku pranoj komentet të shumta.

Ndërkohë, theksojmë që aktorja 9 vjeçare përveç këtij filmi njihet edhe për role të shumta në seriale të ndryshme në Turqi, e që janë mjaft të ndjekura edhe në shumë vende të tjera të botës./Indeksonline/