Pacolli i alarmuar nga rasti i vajzës nga Drenasi, kërkon veprim urgjent institucional

Zëvendëskryeministri i Kosovës, njëherit Ministri i Jashtëm, Behgjet Pacolli përmes llogarisë së tij Facebook ka reaguar ndaj rastit abuzimit të 16 vjeçares nga Drenasi.

Pacolli ka kërkuar veprim urgjent institucional, ndërsa ka thënë se rasti i sotshëm monstruoz është shkelje e dinjitetit dhe fyerjes ndaj vlerave të traditës sonë dhe cënimit të themeleve ligjore institucionale.

Ky është postimi i tij i plotë:

Veprim urgjent institucional

I alarmuar nga rasti i sotshëm monstruoz i shkeljës së dinjitetit dhe i fyrjes që i bëhet vlerave e traditës sonë, si dhe cënimit të vet themeleve ligjore e institucionale nuk mund të qëndroj indiferent nga ajo çfarë pamë e dëgjuam sot. Rasti i nëpërkëmbjes dhe cënimit deri në skllavërim, i një vajze 16 vjeçare, dëshmon dështimin e një morie institucionesh, prandaj së shpejti do të propozoj që sikurse në botën e civilizuar dhe demokratike, këta shkelës monstruoz dhe kushdo që guxon të prek nderin dhe moralin e tjetrit, të konfirmuar me vendim nga një gjykate, me automatizëm të figuroj në një listë publike të ofenduesve seksual. Atyre do t’ju ndalohej ushtrimi i çfardo roli a pozite zyrtare. Madje një listë dhe masë e ngjashme, do të duhej t’i nxirrte siç janë, edhe ata që dënohen për korrupsion. 
Kupa është mbushur, duhet veprim urgjent institucional!