Pacolli thotë se gazetari amerikan që u vra në Ukrainë e quante veten “mik të UÇK-së”
Kreu i AKR-së, Behgjet Pacolli ka zbuluar lidhjen me Kosovën të gazetarit amerikan, Brent Renaud që u vra në Ukrainë.
Pacolli thotë se ai e quante veten “mik të UÇK-së” dhe e donte shumë Kosovën.
Renaud kishte raportuar edhe për luftën në Kosovë. Pacolli nëpërmjet një postimi në Twitter ka treguar se Renaud e donte shumë vendin tonë.
“Ngushëllimet më të sinqerta familjes së Brend Renaud dhe kolegëve të tij. Brent ka punuar në Kosovë dhe ishte i dashuruar me këtë vend. Ai e quajti veten “mik të UÇK’së” pasi ishte mik i një Kosove të lirë. Prehu në paqe”, shkroi Pacolli.
Most sincere condolences to the family of Brent Renaud and his colleagues. Brent worked in #Kosovo and was in love with the country. He nicknamed himself “KLA friend” as he was a friend of a free #Kosovo. Rest in Peace! pic.twitter.com/ZXr0r61ldv
— Behgjet Pacolli (@pacollibehgjet) March 14, 2022
Amerikani Brent Renaud, fitues i disa çmimeve në gazetari, u vra nga forcat ruse në qytetin ukrainas të Irpin./Indeksonline/
