Pamela Anderson: Është mirë të jesh pjesë e kulturës pop

Pamela Anderson u shfaq të shtunën në Festivalin e Filmit në Cyrih të Zvicrës, ku mori çmimin “Syri i artë” dhe me atë rast foli për jetën dhe karrierën e saj dhe tregoi se si luftoi me depresionin për dekada.

Aktorja 57-vjeçare, e cila prej disa kohësh shfaqet pa make-up në publik ka pranuar se pothuajse nuk e kujton pjesën më të madhe të jetës së saj në botën e të famshmëve, pasi u bë e famshme në serialin Baywatch, transmeton Indeksonline.

“Isha në depresion për disa dekada” 

“Më duket sikur shkova nga Baywatch në Broadway. Nuk e di se çfarë ndodhi në mes. Është një boshllëk i madh. Jam e lumtur që jam këtu në këtë pikë, sepse mendoj se kam qenë në depresion për disa dekada.” tha ajo. 

“Nuk e kisha menduar kurrë se do të isha në skenë duke marrë një çmim të tillë. Unë thjesht dua të vazhdoj të punoj. Jam e emocionuar. Është e mrekullueshme të jesh pjesë e kulturës pop, por është gjithashtu një bekim dhe një mallkim. Njerëzit bien në dashuri me ty për shkak të rrobave të tua. U desh shumë kohë, por ja ku jam”, tha ajo, duke shtuar se është e emocionuar që është sërish e zënë me punë dhe se beson se dokumentari i saj i vitit 2023 e ndihmoi atë në ringjalljen e saj. karrierës. /Indeksonline/