Pamje nga aksidenti në Arbëri ku mbetën të lënduar tre persona

Tre persona kanë mbetur të lënduar në një aksident trafiku në Prishtinë, rrethin që lidhë rrugët “UÇK” dhe “Tirana”, sot rreth orës 02:00 të mëngjesit, raporton Ekonomia Online.

Këtë e ka konfirmuar për EO zëdhënësja e Policisë për rajonin e Prishtinës, Flora Ahmeti, e cila ka thënë se personat e lënduar janë dërguar për trajtim mjekësor.

“Sot rreth orës 02:00 në rrethin që lidhë rrugët ‘UÇK’ dhe ‘Tirana’ në Prishtinë ka ndodhur një aksident trafiku, ku është përfshirë një automjet”.

“Si pasojë e aksidentit janë lënduar tre persona dhe janë shkaktuar dëme materiale. Personat e lënduar janë dërguar për trajtim mjekësor. Me rastin po merret Njësiti i Trafikut”, ka thënë ajo.