Pamje nga vendi ku ndodhi vetaksidenti me fatalitet në Podujevë
Një vetaksident i ndodhur sonte në Podujevë ka përfunduar me fatalitet për dy persona.
Një tjetër ka marrë lëndime të rënda trupore si pasojë e përplasjes.
Burimet pohjonë se viktimat e këtij aksidenti janë dy anëtarë të familjes Boshnjaku.
Rastin për Indeksonline e ka konfirmuar edhe Policia e Kosovës.
Zëdhënësja e Policisë për rajonin e Prishtinës, Flora Ahmeti, tha se bëhet fjalë për vetaksident, të ndodhur rreth orës 20:30 mes fshatrave Shajkovc dhe Sfeqël.
“Si pasojë e aksidentit tre persona kanë pësuar lëndime të rënda trupore.
Dy nga personat e lënduar nuk kanë arritur të përballojnë plagët e shkaktuara nga aksidenti dhe të njëjtit kanë vdekur” tha Ahmeti.
Teksa njësitet hetimore po merren me zbardhjen e rastit, Indeksonline ju sjell pamje nga vendi i ngjarjes.