Pamje/ Pjesëtarë të rinj të Njësisë Speciale mbërrijnë në Jarinjë
Në pikën kufitare Jarinjë kanë mbërritur disa pjesëtare të Njësisë Speciale të Policisë së Kosovës.
Policët e rinj po i zëvëndësojnë kolegët e tyre të cilët ndodhën në këto pika që nga mengjesi, shkruan “Indeksonline”.
Policia e Kosovës, në kuadër të aktiviteteve të zakonshme si dhe me qëllim të ruajtjes së rendit publik dhe kushtetues, është duke kryer veprime në të gjithat pikat kufitare.
Veprimet kanë për qëllim zbatimin e marrëveshjes për lëvizjen e lirë- konkretisht targave të automjeteve.
Forca të shumta të Njësisë Speciale po qëndrojnë që nga mëngjesi në dy pikat kufitare Jarinje e Bërnjak, në veri të Kosovës.
Grupe të caktuara serbësh ende qëndrojnë në rrugë në shenjë revolte ndaj këtij vendimi të Qeverisë së Republikës së Kosovës për reciprocitet në targa.