Pamje/ Shoferi i “Audisë” e humb kontrollin: Vetura përfundon jashtë rrugës, lëndohen 3 persona

Si pasojë e një vetaksidenti është bllokuar rruga në Batllavë, saktësisht afër fshatit Kaçibeg të Podujevës, shkruan Indeksonline.

Rasti për Indeksonline është konfirmuar nga zëdhënësja e Policisë për rajonin e Prishtinës, Flora Ahmeti.

Ajo tha se në aksident ka qenë i përfshirë një automjet “Audi” në lëvizje, shoferi i të cilës e humbi kontrollin mbi veturë.

Kështu, tre persona kanë marrë lëndime trupore, të cilët janë dërguar për trajtim mjekësor.

“Sot rreth orës 17:00 në fshatin Batllavë ka ndodhë një aksident trafiku. Në aksident ka qenë i përshirë një automjet në lëvzje, i cili për shkaqe akoma të panjohura ka humbë kontrollin dhe ka dalë nga rruga.  

Tre persona kanë pësuar lëndime trupore. Të lënduarit janë dërguar për trajtim mjekësor.

Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij vetë aksidenti”, u shpreh Ahmeti.

Më poshtë pamjet që ka siguruar Indeksonline: