Pamje të aksidentit në Fushë Kosovë, disa persona të lënduar
Pamje të një aksident trafiku i cili ndodhi pasditen e sotme tek rrethi në Fushë Kosovë, ku të përfshira ishin tre vetura.
Indeksonline kontaktoi me zëdhënësen e Policisë së Kosovës për Rajonin e Prishtinës, Flora Ahmeti, e cila tregoi se nga ky aksident të lënduar kanë mbetur gjashtë persona.
“Rreth orës 18:00, në rrugën Prishtinë- Fushë Kosovë ka ndodhur një aksident trafiku ku janë përfshirë tri automjete. Si pasojë e aksidentit lëndime trupore kanë pësuar gjashtë persona. Të njëjtit janë dërguar për tretman mjekësor në QKUK. Me rastin po merret njësiti i trafikut.”, tha ajo./Indeksonline/