Panduri ndal për pak sekonda sinjalin e TV Dukagjinit: Të rrëzohet ligji i KPM-së

Televizioni “Dukagjini” ka ndërprerë për pak sekonda sinjalin si shenjë proteste për miratimin e ligjit të KPM-së që i vë mediat online nën kontrollin e shtetit.

Kjo ndërprerje e sinjalit është bërë para se të niste emisioni “Debat Plus”.

Me 59 vota për, asnjë kundër dhe dy abstenime, në Kuvendin e Kosovës sot është miratuar në lexim të dytë Ligji për KPM-në. Partia në pushtet miratoi Projektligjin me 93 amendamente, i cili parasheh licencimin e mediave online, monitorim e tyre dhe gjoba deri në 40 mijë euro është konsideruar i dëmshëm, pasi rrezikon të cenojë lirinë e shprehjes dhe lirinë e mediave.

Në këtë pikë të rendit të ditës, opozita veçse kishte lëshuar sallën e Kuvendit, pasi kërkesa e tyre sot ishte që ky projektligj dhe dy të tjerë të largoheshin nga rendi i ditës.

“Votimi i sotëm do të ketë një tjetër efekt negativ në renditjen e vendit në raportet ndërkombëtare të fushës. AGK-ja, bën thirrje për përdorimin e të gjitha mjeteve ligjore dhe kushtetuese për ta kundërshtuar hyrjen në fuqi të ligjit”, thuhet mes tjerash në reagimin e AGK-së.