Paraqitja e Harryt në “Vax Live”, ka një mesazh për të gjithë

Princi Harry ka nisur të bëj paraqitjen publike të radhës.

36 vjeçari u bë pjesë e ‘Global Citizen VAX LIVE: The Concert To Reunite The World’ i mbajtur të dielën, transmeton Indeksonline.

Ndërsa ishte në skenë, Princi mbajti një fjalim duke i inkurajuar njerëzit të punojnë së bashku në mënyrë që t’i japin fund pandemisë.

“”Pershendetje te gjitheve. Ne jemi në moment në luftën globale kundër COVID-19. Sonte është një festë e secilit prej jush këtu, punëtorëve të vaksinuar të vijës së frontit në audiencë dhe miliona heronjve të vijës së frontit në të gjithë botën, Ju e kaluat vitin e fundit duke luftuar për të na mbrojtur të gjithëve. Ju keni shërbyer dhe sakrifikuar. Ne ju jemi mirënjohës, faleminderit. ”

“Por ne gjithashtu po bashkohemi sepse kjo pandemi nuk mund të marrë fund nëse nuk veprojmë kolektivisht me një angazhim të paparë ndaj njerëzimit tonë të përbashkët. Vaksina duhet të shpërndahet te të gjithë kudo. Ne nuk mund të pushojmë ose të shërohemi vërtet derisa të ketë shpërndarje të drejtë në çdo cep të botës. Ajo duhet të pranohet si një e drejtë themelore për të gjithë dhe kjo është pika jonë e fillimit “.

Princi mori pjesë në këtë ngjarje i vetëm pa shoqërinë e Meghan për shkak se ajo është shtatzënë dhe duhet të qëndroj në shtëpi.

Ajo është në pritje të fëmijës së dytë, ku dyshja po presin që familja e tyre të shtohet me një vajzë.

“Askush prej nesh nuk duhet të jetë i qetë duke menduar se mund të jetë mirë kur kaq shumë të tjerë vuajnë. Në realitet, dhe veçanërisht me këtë pandemi, kur ndonjë vuan, të gjithë vuajmë.Ne duhet të shohim përtej vetes me ndjeshmëri dhe dhembshuri për ata që njohim dhe për ata që nuk i njohim. Ne duhet të ngremë lart gjithë njerëzimin dhe të sigurohemi që asnjë person ose komunitet të mos mbetet pas. Ajo që ne bëjmë në këtë moment do të qëndrojë në histori dhe sonte, ne solidarizohemi me miliona familje në të gjithë Indinë që po luftojnë me një valë të dytë shkatërruese.”/Indeksonline/