Parlamenti ukrainas miratoi një ligj, që ndalon kishën ortodokse pranë Moskës

Më 20 gusht, Parlamenti Verkhovna Rada i Ukrainës miratoi Ligjin për ndalimin e organizatave fetare të lidhura me kishën ortodokse ruse, njoftoi shërbimi ukrainas i Radios Evropa e Lirë.

Sipas këtij ligji, aktivitetet e kishës ortodokse të Ukrainës, e cila është besnike ndaj Patriarkanës së Moskës, mund të pezullohen, tha deputeti Alexey Goncharenko.

Vendimi u mbështet nga 265 deputetë, ndërsa kundër votuan 29 deputetë.

Siç tha më herët kryetari i Kuvendit të Ukrainës, Ruslan Stefanchuk, sipas projektligjit, kisha ortodokse ruse do të ndalohet në Ukrainë.

Ligjvënësit bllokojnë një foltore në Parlamentin e Ukrainës, duke bërë thirrje për shqyrtimin e vazhdueshëm të një Projektligji për të ndaluar kishën ortodokse të Ukrainës, e cila ka qenë prej kohësh e lidhur me Moskën, më 23 korrik.

Mosmarrëveshjet e brendshme në Ukrainë dhe politikën amerikane janë në lojë mbi Projektligjin për të ndaluar kishën me lidhje të gjata me Rusinë

“Në të njëjtën kohë, organizatat fetare ukrainase të dyshuara për bashkëpunim me kishën ortodokse ruse do të kenë nëntë muaj kohë për të ndërprerë lidhjet me Moskën”, tha ai.

Patriarku Kirill, kreu i kishës ortodokse ruse, është një mbështetës i hapur i presidentit rus Vladimir Putin dhe luftës kundër Ukrainës. Në shtator të vitit 2022, ai u tha ushtarëve rusë se “sakrifica në kryerjen e detyrës ushtarake i pastron të gjitha mëkatet”.

Më parë, më 17 gusht, Këshilli Gjithukrainas i kishave dhe organizatave fetare mbështeti një iniciativë legjislative për të ndaluar aktivitetet e organizatave fetare të lidhura me kishën ortodokse ruse.

Një ditë më parë, presidenti i Ukrainës, Volodymyr Zelensky, në video-mesazhin e tij përmendi nismat legjislative që forcojnë, veçanërisht “pavarësinë shpirtërore”.

Projektligji u votua në lexim të parë në tetor 2023. Më parë, Zelensky legjitimoi vendimin e Këshillit të Sigurisë Kombëtare, i cili ndalon aktivitetet e organizatave fetare të lidhura me qendrat e ndikimit në Rusi.

Kisha ortodokse e Ukrainës, e cila është pjesë e Patriarkanës së Moskës, vlerësoi se projektligji në fjalë “nuk është në përputhje me Konventën për të Drejtat e Njeriut dhe Kushtetutën e Ukrainës”.

Deri tani, policia ka hapur rreth 70 çështje penale kundër përfaqësuesve të kishës ortodokse të Ukrainës pranë Moskës.