Pas Benzemas, Al-Ittihad kërkon edhe dy futbollistë tjerë të njohur
Klubet nga Arabia Saudite duket se nuk do të ndalen me transferimin yjeve të futbollit.
Karim Benzema, i cili u largua nga Real Madridi, është i radhës që karrierën do ta vazhdojë atje.
Sulmuesi francez ka arritur marrëveshje me Al-Ittihad dhe zyrtarizimi pritet të bëhet së shpejti.
Por, ky klub po synon të nënshkruajë edhe me Sergio Ramosin e N’Golo Kanten – sipas “Cadena SER”.
Ramos ka konfirmuar largimin nga Paris Saint-Germaini dhe te kampionët e Arabisë Saudite mund të kalojë si lojtar i lirë.
Situata e njëjtë është edhe me Kanten. Francezi nuk e ka konfirmuar ende të ardhmen, por edhe ai besohet se do të largohet si lojtar i lirë.
Kantes i skadon kontrata në fund të këtij muaji, teksa nuk ka rinovuar ende me Chelsean. Sipas raportimeve, ai nuk pritet ta bëjë një gjë të tillë dhe do të largohet.
🚨 Al-Ittihad want Karim Benzema to play alongside Sergio Ramos and N'Golo Kanté this summer. 🇸🇦
— Transfer News Live (@DeadlineDayLive) June 5, 2023
(Source: @La_SER) pic.twitter.com/ZWbnG48nAC
