Pas ndarjes së Romarios mediat braziliane flasin për një romancë të re

Legjenda 59-vjeçare e futbollit brazilian, Romario, ka përfunduar lidhjen e tij të shumëkomentuar me studenten 22-vjeçare, Alicya Gomes — një romancë që kishte tërhequr vëmendjen e madhe të mediave për shkak të diferencës së madhe në moshë.

Sipas mediave braziliane, dyshja kanë pushuar së ndjekuri njëri-tjetrin në rrjetet sociale, duke konfirmuar përçarjen.

Ndërkohë, Romario është parë së fundmi në një event muzikor në Rio de Janeiro i shoqëruar nga një bionde misterioze, me të cilën – sipas dëshmitarëve – ka kaluar një pjesë të mbrëmjes në një “këndi të izoluar”, gjë që ka nxitur thashethemet për një lidhje të re.

Romario dhe Alicya u njohën gjatë një fushate elektorale dhe u panë për herë të parë bashkë publikisht në tetor, në Rock in Rio, ku futbollisti e kishte marrë për të ndjekur koncertin e Mariah Carey. Identiteti i saj u bë publik vetëm në shkurt, pasi çifti u fotografua disa herë në dalje të ndryshme në Rio de Janeiro.

Studentja nga Baixada Fluminense më pas e privatizoi llogarinë e saj në Instagram, duke ushqyer spekulimet se çifti po përpiqej ta mbante lidhjen sa më larg syve të publikut. Romario kishte organizuar edhe një festë për ditëlindjen e saj të 22-të, duke e uruar publikisht me fjalë të ndjera në rrjetet sociale.

Lidhja e tyre shkaktoi debat të madh në rrjetet sociale. Disa e mbrojtën çiftin duke thënë se “mosha është vetëm një numër”, ndërsa të tjerë pretenduan se Alicya nuk do të ishte afruar me të po të mos ishte ai një legjendë e futbollit dhe një figurë publike me ndikim. Megjithatë, shumë fansa e mbrojtën Romarion, duke kujtuar kontributin e tij në sport.

Jeta sentimentale e ish-sulmuesit, i njohur për deklaratat e tij të hapura për seksin dhe marrëdhëniet, ka qenë shpesh në qendër të mediave. Para Alicyas, ai ishte në një lidhje me influenceren Marcelle Ceolin, me të cilën udhëtoi në rajonin paradisiak të Fernando de Noronha në vitin 2022. Edhe ajo lidhje përfundoi pas disa muajsh.

Romario është përfolur gjithashtu për një romancë të shkurtër me Maria Geusiane Santos, një brune 34-vjeçare, të cilën e takoi gjatë festimeve të ditëlindjes së tij të 58-të.

Me ndarjen e fundit dhe shfaqjen me bionden misterioze në Rio, mediat braziliane flasin tashmë për një kapitull të ri në jetën sentimentale të ish-kampionit të botës — një histori që, si gjithmonë, po tërheq shumë vëmendje.