Pas një ore pauzë, rinis seanca plenare

Kuvendi i Kosovës pas një pauze më shumë se një orë, ka nisur seancën plenare, e cila është vazhdim i asaj të djeshmes.

Në këtë seancë pritet të hidhet në votim rezoluta e propozuar nga LDK-ja lidhur me dialogun Kosovë-Serbi, raporton Indeksonline.

Kujtojmë se seanca e jashtëzakonshme dje zgjati 10 orë, gjatë së cilës eskaloi debati, pati kritika e lëvdata, por që u ndërpre për të vazhduar sot.

Kjo seancë e jashtëzakonshme po mbahet me kërkesë të deputetëve opozitar. /Indeksonline/