Pas pengesës nga Serbia, Pacolli e Ugljani sqarojnë situatën
Ministri Punëve të jashtme Behgjet Pacolli sot u ndalua të hyjë në Sanxhak nga ana e Qeverisë Serbe. Pas ndalës, ai dhe presidenti i Këshillit Kombëtar të Boshnjakëve, Sulejman Ugljanin, kanë shkëmbyer letra mes vete.
I pari i MPJ-së në letrën që ia ka dërguar Ugljanit i ka treguar vetëm 4 orë para nisjes për Novi Pazar ka marr refuzimin e Qeverisë së Republikës së Serbisë për të kaluar kufirin.
“Fatkeqësisht, në momentin e fundit, vetëm 4 orë para nisjes sime për Novi Pazar mora refuzimin e Qeverisë së Republikës së Serbisë për të kaluar kufirin. Kjo është në kundërshtim të plotë me marrëveshjen mes qeverive tona të nënshkruar 4 vite më parë në Bruksel, për çka ne veç kemi bërë një notë proteste zyrtare”, ka shkruar Pacolli.
Ndërsa, Sulejman Ugljanin, në letrën që ia ka kthyer Pacollit është shprehur i pikëlluar kur ka marr informacionin se regjimi nacionalist serb ka ndaluar ardhjën e tij për në Sanxhak, transmeton Indeksonline.
“Me pikëllim të madh morëm informacion se regjimi aktual serb nacionalist në Beograd ka ndaluar ardhjen tuaj dhe pengimin e qytetarëve të Sanxhakut dhe për të dëgjuar palën tjetër në lidhje me procesin e normalizimit të marrëdhënieve ndërmjet Kosovës dhe Serbisë”, ka shkruar Ugljanin.
Letra e Pacollit:
I nderuar kryetar Dr.Uglanin
I dashur Sulejman,
Të falenderoj vëllazërisht për ftesën vëllazërore që më betë për të vizituar Novi Pazarin dhe Peshterin dhe për të marrë pjesë në Tribunën me titull: Procesi i vendosjes së bashkëpunimit dhe stabilitetit rajonal në Ballkan së bashku me shkëlqësinë tuaj dhe profesorin e nderuar, Prof.Dr. Nexhmedin Spahiu. Kishte me qenë një privilegj i madh për mua.
Fatkeqësisht, në momentin e fundit, vetëm 4 orë para nisjes sime për Novi Pazar mora refuzimin e Qeverisë së Republikës së Serbisë për të kaluar kufirin. Kjo është në kundërshtim të plotë me marrëveshjen mes qeverive tona të nënshkruar 4 vite më parë në Bruksel , për çka ne veç kemi bërë një notë proteste zyrtare.
Më lejo të lutem të shprehë keqardhjen dhe protestën time për lajmin që mora se për shkak të ftesës që më keni bërë, Kryeminstrja e Republikës së Serbisë u paska kërcënuar përmes një shkrese zyrtare, e ndodhur në vizitë në SHBA, vend ky që i pari e ka njohur Republikën e Kosovës si dhe më shumë se gjysma e kombeve të botës.
Pavarësisht nga refuzimi që më është bërë mua, dhë kërcënimi që i është bërë shkëlqësisë suaj, unë ju siguroj se përpjekjet e mia nuk do të ndalen për një Ballkan dhe një Evropë ku nuk do të ketë ndalesa në kufi dhe ku komunitetet nuk do të privohen nga të drejtat elementare për të komunikuar me personalitete dhe dëgjuar të vërtetat e anës tjetër.
Letra e Uglaninit:
“I nderuar zoti ministër,
Në cilësinë e President i Këshillit Kombëtar Boshnjak shpreh mirënjohjen juve për gatishmërinë e treguar për të vizituar Sanxhakun më 21 dhe 22 korrik 2018, pavarësisht nga të gjitha pengesat e vendosura nga regjimi serbo-madh nacionalist serb.
Veçanërisht jemi të kënaqur për gatishmërinë tuaj për të ua mundësuar qytetarëve të Sanxhakut të dëgjojnë anën tjetër në lidhje me normalizimin e marrëdhënieve ndërmjet Kosovës dhe Serbisë dhe qytetarëve të Sanxhakut për të paraqitur vizionin tuaj të procesit të sigurisë rajonale dhe bashkëpunimit në Ballkanin Perëndimor.
Me pikëllim të madh morëm informacion se regjimi aktual serb nacionalist në Beograd për ndalimin e ardhjes tuaj dhe pengimin e qytetarëve të Sanxhakut dhe për të dëgjuar palën tjetër në lidhje me procesin e normalizimit të marrëdhënieve ndërmjet Kosovës dhe Serbisë.
Mosgatishmëria e regjimit aktual serb për të mundësuar që qytetarët të dëgjojnë dhe mendojnë ndryshe reflekton më mirë karakterin e këtij regjimi.
Z. Ministër, mos u shqetësohuni kërcënimet që kryeministri serb, Ana Brnabiç i ka dërguar popullit boshnjak me rastin e ftesës sonë për të vizituar Sanxhakun. Këto kërcënime janë një shprehje e jotolerancës ndaj popullit boshnjak të Sanxhakut dhe mungesës së njohurive rregullativae ligjore.
Ne shpresojmë se në procesin e integrimit evropian dhe euro-atlantik në skenën politike serbe të paraqitet opsioni normal, tolerant dhe demokratik opsion politik i aftë për zgjidhjen e statusit të popullit boshnjak dhe statusin e Sanxhakut, i cili është një parakusht themelor për mbijetesën e boshnjakëve në këtë rajon.
