Pas rrëfimit të Dafinës, reagon ish-partneri i saj, thotë se ndjehet i shantazhuar

Dafina Dauti javë më parë ka bërë një rrëfim mjaft tronditës në shtëpinë e Big Brother VIP Kosova.

Këngëtarja shqiptare ka treguar historinë e trishtë të ndarjes së saj nga ish-partneri.

Ajo ka zbuluar se personi në fjalë kishte qenë i ndarë me gruan, dhe kjo e fundit ishte shtatzënë, në të njëjtën periudhë me këngëtaren. Ajo po ashtu e ka përshkruar shtëpinë e ish partnerit të saj, si “të tmerrshme për jetesë”.

Në rrëfimin e saj Dafina ka folur edhe për periudhën e gjyqit dhe mos takimet me vajzën për rreth 1 vit.

E lidhur me këtë rrëfim ka reaguar ish-partneri i saj, Tafil Kurtishaj.

Ky i fundit po ashtu një këngëtar tha se ndjehet i shantazhuar dhe ndonëse mohonte rrëfimin e Dafinës nuk ishte i qartë me kundërpërgjigjet e tij.

Ai pranoi se ka grua dhe fëmijë por nuk saktësoi si kishte ndodhur lidhja dhe sjellja në jetë e vajzës me këngëtaren.