Pas sa fëmijëve bëhet më stresuese mëmësia?
Mëmësia e ndryshon jetën e secilës femër. Ajo tani, jo vetëm që duhet të mëndoj edhe për dikë tjetër çdo sekond, por ajo bënë gjëra që kurrë më herët nuk i ka menduar që duhet të bënte.
Në çdo fëmijë që shtohet, shtohet edhe sasia e punës dhe e përgjegjësisë, por nëse ia keni dalë njëherë, nuk ka asgjë në këtë botë që nuk mund të bësh, këtë e vëmë me bast, transmeton indeksonline.
Mëmësia është më stresuese sesa duket.
Disa studime të kryera në internet mbi nivelet e stresit të nënave dhe arsyet e tyre, në të cilat morën pjesë 7.116 nëna. Doli se, mesatarisht, në një shkallë 1-10, një nënë vlerëson nivelin e saj të stresit si një 8.5.
Disa nëna thanë që e ndiejnë gjykimin dhe presionin për të qenë “perfekt”, kryesisht nga një nënë tjetër. Arsyet e tjera përfshijnë mungesën e kohës për të bërë gjithçka që është e nevojshme, duke qëndruar të aftë dhe tërheqës dhe disa thanë se partnerët e tyre shkaktuan më shumë stres se fëmijët e tyre.
Nënat pranojnë se koha më e vështirë është kur vjen në jetë fëmija i tretë
Fëmijët, natyrisht, kanë kontributin e tyre për stresin e nënës. Rezultatet tregojnë, se kulmi i stresit për një nënë është kur numri i fëmijëve arrin numrin tre. Nënat raportojnë se kalimi nga një fëmijë në dy nuk është një sfidë shumë e madhe, por kur dy bëhet tre, bota kthehet me kokë poshtë. Arsyeja për këtë është shumë e thjeshtë: ju keni vetëm dy duar, dhe së bashku me partnerin tuaj jeni dy persona dhe një fëmijë tjetër bëhet “ekstra”. Një nënë vuri në dukje se në thelb nuk mund t’i mbani të gjitha duart e tyre duke kaluar rrugën, dhe kjo situatë duket plotësisht jashtë kontrollit dhe nivelet e stresit tuaj shkojnë në jashtë normales.
Nëse bëhen më shumë, ato thjesht pajtohen me këtë
Sipas kësaj, të kesh më shumë se tre fëmijë duhet të jetë thjesht e pamundur t’i përballosh. Por siç duket, nuk ndodh. Nënat pranojnë se kur kanë katër ose më shumë fëmijë, bëhet çështje mbijetese ku nuk ka vend për perfeksion dhe atëherë ato e marrin më lehtë. /Indeksonline/
