Pas shkarkimit nga Tottenhami, Postecoglou mund të marr drejtimin e kësaj skuadre

Trajneri australian, Ange Postecoglou mund të mos jetë gjatë i papunë.

Sipas “Mirror”, thuhet se australiani po e “shqyrton seriozisht” një transferim në Ligën Profesionale Saudite për të drejtuar Al-Ahli pas shkarkimit të tij brutal nga Spurs në fillim të këtij muaji.

Australiani humbi punën e tij pavarësisht se fitoi Europa League për Tottenham , trofeu i tyre i parë në 17 vjet, duke u bërë vetëm trajneri i tretë në historinë e tyre që fiton një trofe evropian.

Ai thuhet se është kontaktuar nga skuadra saudite Al-Ahli për shkak të shqetësimeve se trajneri aktual Matthias Jaissle mund të largohet nga klubi pasi ka refuzuar një numër ofertash të reja për kontrata, me Postecogloun që është i tërhequr nga perspektiva e menaxhimit në Lindjen e Mesme dhe po mendon për punën në Al-Ahli nëse Jaissle largohet./IndeksOnline/