Pas tërmetit, Katari i dhuron Turqisë kabinat që u përdorën në Kupën e Botës

Katari do t’i dërgojë Turqisë dhe Sirisë 10,000 kabina dhe karvane të përdorura gjatë Kupës së Botës, të cilat tani do të strehojnë njerëzit që humbën shtëpitë e tyre në një tërmet shkatërrues, thanë të dielën zyrtarët e Katarit.

“Duke pasur parasysh nevojat urgjente në Turqi dhe Siri, ne kemi marrë vendimin për të dërguar kabinat dhe karvanët tanë në rajon, duke ofruar mbështetje shumë të nevojshme dhe të menjëhershme për popullin e Turqisë dhe Sirisë”, tha një zyrtar i Katarit për AFP, transmeton IndeksOnline.

Shtëpitë e lëvizshme u përdorën për disa javë kur Katari priti Kupën e Botës të futbollit vitin e kaluar. Zyrtarët kanë treguar pas turneut se do të dhurohen.

Dërgesa e parë do të niset nga porti i Dohas për në Turqi të hënën, me dërgesa të tjera që priten në ditët në vijim, thanë zyrtarët e Katarit, duke kërkuar anonimitetin pasi nuk ishin të autorizuar të flisnin me mediat.

Edhe para tërmetit, Katari kishte rënë dakord të injektonte miliarda dollarë në ekonominë turke në vështirësi dhe të investonte në qendrat tregtare dhe projektet e infrastrukturës. /IndeksOnline/