Godet këngëtarin, dënohet me 2 vjet burgim futbollisti i njohur turk
Problemet nuk kanë të ndalur për futbollistin e njohur turk Arda Turan që duket se pas kthimit në Turqi e ka humbur krejtësisht kontrollin.
Ish
mesfushori i Atletiko Madrid dhe Barcelonës dhe që aktualisht është pjesë e
skuadrës së Basaksehir është dënuar me 2 vjet, 8 muaj dhe 15 ditë burg me
akuzën e armëmbajtjes pa leje me të cilën edhe qëlloi me synimin për të
frikësuar e ngjallë panik, ndërkohë që është rrëzuar akuza për ngacmime
seksuale.
Në muajin tetor të vitit të kaluar, Arda Turan u përfshi në një zënkë në një
klub nate me këngëtarin Berkay Sahin pasi kishte flirtuar me bashkëshorten e
këtij të fundit.
Artisti u dërgua në
spital me thyerje të hundës, ndërkohë që Turan e ndoqi deri atje ku qëlloi me
armë, por sipas avokatit të tij kjo ndodhi aksidentalisht.
Megjithatë
kjo ngjarje i kushtoi shtrenjtë futbollistit që u dënua me 2 vjet, 8 muaj e 15
ditë burg, dënim që për momentin është lënë pezull.
Por Arda Turan nuk është protagonist vetëm i këtij episodi negativ. ish
kapiteni i përfaqësueses turke vitet e fundit u akuzua edhe për agresion verbal
e kërcënime ndaj një gazetari ndërkohë që është ndëshkuar në kampionatin turk
me 16 ndeshje pezullim për agresion ndaj arbitrave.