Pasi fitoi Kampionatin Evropian, Schumacher ngritet në F2
Pasi e fitoi Kampionatin Evropian të F3, Mick Schumacher është ngritur për një divizion më lart.
Nga sezoni i ardhshëm, Schumacher do të garojë në F2, ka njoftuar Prema Racing, kompani me të cilën 19-vjeçari ka arritur tetë fitore, shtatë ”pole position” dhe 14 podiume këtë sezon.
Schumacher, djali i legjendës, Michael, ka qenë pjesë e kësaj skuadre që nga viti 2016, transmeton IndeksOnline.
”Nuk mund të pres për fillimin e sezonit të ri në F2”.
”Ky është një hap i madh në karrierën time, i cili do ta rrisë përvojën time”.
”Ka qenë shumë e sigurtë që do të inkuadrohem në F2 me Prema Racing”, tha Schumacher Jr./IndeksOnline/