Pasi i hipi vlera, nënshkruhet kontrata për furnizim me veshmbathje për ushtarët e FSK-së

Zyrtarisht, është nënshkruar kontrata nëpërmjet të cilës ushtarët e Forcës së Sigurisë së Kosovës do të furnizohen me veshmbathje dhe pajisje ushtarake.

Procesi i zvarritur që nga marsi, me të iniciuar aktivitetin e prokurimit, gjeti zgjidhje me kontratën që u dha më 20 gusht, shkruan IndeksOnline.

Pas më shumë se tre muajsh, kontrata në vlerë prej 275 mijë e 650 eurosh më në fund u nënshkrua më 1 dhjetor.

Në kohën kur u shpall aktiviteti i prokurimit, vlera e kontratës parashikohej të kapte shifrën prej 217 mijë eurosh.

Kompania që do të kryejë shërbimin në afat prej 3 vitesh është “Sodex Group”.

“Furnizimet duhet të behet sipas specifikimit teknik te kërkuar të përcaktuar në dosjen e tenderit me qellim të ngritjes se operacionalitetit dhe efikasitetit ne kryerjen e detyrave sipas misionit të FSK MM-së” thuhet në njoftimin prokurues./IndeksOnline/