Pasi nuk ia doli vetë, Sarri mëson Interin si ta mposhtë Tottenhamin
Trajneri i Chelseat, Maurizio Sarri e ka këshilluar Interin para përballjes me Tottenhamin në Champions League.
Ish-trajneri i Napolit e pësoi humbjen e parë në Premier League dje.
Tottenhami ia doli ta mposhtë Chelsean e Sarrit në ”Wembley” me rezultat, 3-1, transmeton IndeksOnline.
”Me gjasë, ishte paraqitja më e dobët e Chelseat këtë sezon, por gjithashtu në një stadium, të cilin unë s’e pëlqej”.
”Kemi luajtur dobët kundër një kundërshtari të fortë”.
”Interi është skuadër e mirë, kështu që unë vetëm shpresoj që ata të mos luajnë sikur ne”.
”Është e rëndësishme që ata të përmbahen në 30 minutat e parë – kjo është periudha kur Spurs janë të rrezikshëm”.
”Interi duhet gjithashtu ta shmangë humbjen e posedimit në zonën e tyre, sepse kështu vijnë kundërsulmet. Tottenhami është ndër skuadrat më efektive në Evropë”, tha Sarri për Sky Sport./IndeksOnline/