Pasi zbuloi orientimin, Julia Fox diskuton se çka është një “burrë i vërtetë”

Aktorja Julia Fox ka shkaktuar polemika pasi ndërpreu vazhdimisht bashkë-yllin Marlon Wayans gjatë një interviste për promovimin e filmit të tyre të ri, duke shkaktuar një debat mbi përkufizimin e një “burri të vërtetë”.

Fox, e njohur për mendimet e saj të forta për burrat, veçanërisht pas marrëdhënies së saj me Kanye West, nuk u përmbajt nga shprehja e mendimit të saj, transmeton Indeksonline.

Pasi doli hapur dhe njoftoi se nuk do të dilte më kurrë me burra, dhe madje pasi qëndroi dy vjet “single”, është e qartë se ajo do të ketë diçka për të thënë për burrat. Kjo ndodhi gjatë promovimit të filmit Him, në të cilin ajo luan përkrah Wayans dhe Tyriq Withers.

Julia Fox luan rolin e gruas së Marlon, një grua që kënaqet duke manipuluar mendjet dhe trupat.

Meqenëse filmi trajton temat e shfrytëzimit në sport dhe presionin mbi atletët meshkuj, çështja e maskulinitetit doli në mënyrë të pashmangshme. Kur Marlon Wayans u përpoq t’i shpjegonte se çfarë do të thotë për të të jetë një “burrë i vërtetë”, Julia filloi ta ndërpriste.

Reagimet u ndanë nën klipin e BAFTA-s në TikTok. “Pse po i ndërpret… lërini njerëzit të flasin”, shkroi një person. “Ai as nuk arriti të shprehte mendimin e tij”, shtoi një tjetër. Megjithatë, shumë veta mbetën në anën e Julia-s. Një ndjekës shkroi se ndërprerjet e saj ishin “shëruese”, ndërsa një tjetër tha se ajo “nuk humbet kurrë” me vëzhgimet e saj./Indeksonline/