Pavarësisht eliminimit, Ilir Daja i lumtur me skuadrën: Ky ishte maksimumi ynë!

Skuadra e Dinamo Tiranës e ka mbyllur aventurën në garat e UEFA-s, pasi u eliminua mbrëmë nga Jagiellonia.

Trajneri i klubit shqiptar, Ilir Daja – pas ndeshjes tha se është i lumtur me paraqitjen e skuadrës së tij, shkruan Indeksonline

Daja thotë se ky ishte niveli i skuadrës së tij dhe dhanë majftueshëm në këtë fushatë të garave europiane.

“Nuk kam asnjë peng, me gjithë problematikën që kemi pasur. Ky ishte maksimumi ynë. Kemi bërë një ndeshje kthimi shumë të mirë ndaj një ekipi shumë të fortë. Kemi probleme të mëdha për shkak të dëmtimeve. Kemi bërë një rrugëtim fantastik, mbas 15 vjetësh bëmë historinë me Dinamon.

“Me mungesat dhe me ikjen e dy golashënuesve, nuk mund t’i zëvendësosh lojtarët brenda një muaji. I përshëndes djemtë. Kjo ishte ndeshja ime e 60-të në Europë, por një arbitrim të tillë nuk e kam parë”, u shpreh Ilir Daja pas ndeshjes.

Trajneri i njohur shqiptar përmes kësaj intervisteje pas ndeshjes, u ka dhënë sinjale të qarta edhe pronarëve të klubit.

“Na duhen lojtarë në mbrojtje dhe në sulm. Dinamo nga vetë historia dhe tradita ka objektiva madhore. Më mirë t’i marrim gjërat me qetësi, të bëjmë zëvendësimet e duhura, të gjejmë modulin e duhur me lojtarët e rinj”, u shpreh Daja

/Indeksonline/