PDK-ja diskuton dy pozitat kryesore të kuvendit, njëri është caktuar!

Pasditen e sotme pritet të mbahet seanca parlamentare në të cilën do të bëhet konstituimi i legjislaturës së re të Kuvendit të Kosovës.

Në kuadër të përgatitjeve për këtë seancë, Partia Demokratike e Kosovës tashmë ka caktuar emrin për postin e nënkryetarit të kuvendit.

Burime të Indeksonline bëjnë të ditur se këtë pozitë pritet ta marrë ish-diplomatja Vlora Çitaku.

Ndërkohë, brenda PDK-së po zhvillohen diskutime edhe për emrin e shefit të Grupit parlamentar. Sipas burimeve, dy emrat më të përfolur për këtë post janë Enver Hoxhaj dhe Përparim Gruda.

Seanca e sotme konsiderohet një hap i rëndësishëm drejt funksionalizimit të plotë të institucioneve pas zgjedhjeve. /Indeksonline/