Peja e fortë për Prizrenin, kalon në gjysmëfinale të Kupës së Kosovës

Peja ka kaluar në gjysmëfinale të Kupës së Kosovës në Baskëtboll.

Pejanët në çerekfinale mposhtën Ponte Prizrenin me rezultat 95-86, në ndeshjen e zhvilluar në “Mizair Isma” të Rahovecit.

“Shqiponjat” e dominuan të gjithë ndeshjen, duke krijuar epërsi deri në 20 pikë.

Më të dalluarit te pejanët ishin Johnson me 26 pikë dhe Sirko me 28 pikë e 18 kërcime.

Ndërsa te prizrenasit u dalluan Wofford me 19 pikë dhe Nichols me 16 pikë.

Në gjysmëfinale Peja do të takohet me fituesin e ndeshjes Rahoveci – Trepça. /IndeksOnline/